TKA-nyň Daşoguz welaýat birleşmesi bilen muzeýiň bilelikde guramagynda geçirilen “Rysgal-bereketli, döwletli Watan” atly maslahaty Hasyl toýuna bagyşlandy. Maslahatda ýurdumyzda oba hojalyk pudagynyň ösüşi, kärendeçi daýhanlar üçin döredilýän giň mümkinçilikler dogrusynda gürrüň edilip, ata Watanymyzyň gülläp ösmeginde oba hojalyk pudagynyň zähmetkeşleriniň mynasyp ornunyň bardygyny buýsanç bilen bellediler.
Maslahatyň ahyrynda oňa gatnaşyjylar muzeýde Hasyl toýy mynasybetli guralan “Berekediň, bolçulygyň baýramy” atly baýramçylyk sergisine syn etdiler.01.11.2023 ý.

Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda uludan toýlanýan mukaddes Garaşsyzlygymyzyň baýramy mynasybetli ýurdumyzyň beýik ösüşlerini, ýetilen beýik sepgitleri çeperçilik sungatynyň üsti bilen wasp etmek maksadynda, muzeýde welaýat häkimligi, welaýat medeniýet müdirligi we jemgyýetçilik guramalary bilen bilelikde welaýatymyzyň suratkeşleriniň, çagalar çeperçilik mekdepleriniň okuwçylarynyň, mugallymlarynyň arasynda “Garaşsyzlyk–beýik ylham çeşmesi” atly sergi bäsleşigi geçirildi.

Daşoguz welaýatynyň taryhy we ülkäni öwreniş muzeýinde geçirilen, Mukaddes Garaşsyzlygymyzyň 32 ýyllyk şanly toýy mynasybetli welaýatymyzyň dessançy bagşylarynyň “Garaşsyzlyk–dillerimiziň dessany” atly festiwalynyň açylyş dabarasy ýakymly, ýatda galyjy pursatlara beslendi.

“Arkadag Serdarly bagtyýar ýaşlar ýylynda” ençeme täze eserlerini Daşoguz welaýatynyň taryhy we ülkäni öwreniş muzeýinde sergiläp, halkymyza ýetiren Türkmenistanyň suratkeşler birleşiginiň Daşoguz welaýat şahamçasynyň suratkeşleriniň we heýkeltraşlarynyň “Ylhamym, joşgunym–Türkmenistanym” atly sergisi bu gezek hem köp adamly boldy. Sergide ýerleşdirilen eserleriň her biri, şekillendiriş sungatynyň biziň durmuşymyz bilen berk baglanşykly bolup kalbymyzyň töründen baky orun alandygyna şaýatlyk edýär.