DAŞOGUZ WELAÝAT TARYHY
WE ÜLKÄNI ÖWRENIŞ MUZEÝI
    • Turkmen
    • Русский
    • English

BEHIŞDI BEDEWLER GÖZELLIGIŇ NUSGASY

2026-njy ýyl “Garaşsyz, baky Bitarap Türkmenistan-bedew batly at-myradyň mekany” ýylda Daşoguz welaýat taryhy we ülkäni öwreniş muzeýinde Türkmenistanyň Magtymguly adyndaky Daşoguz welaýat ýaşlar guramasynyň, Daşoguz şäheriniň çagalar çeperçelik mekdebiniň , Daşoguz welaýat taryhy we ülkäni öwreniş muzeýiniň guramagynda türkmen bedewini çeperçilik sungatynda wasp etmekde “Behişdi bedewler gözelligiň nusgasy” atly baýramçylyk sergi bäşleşigi guraldy.

Baýramçylyk sergisi

“Garaşsyz, baky Bitarap Türkmenistan-bedew batly at-myradyň mekany” diýen ajaýyp şygara beslenen 2026-njy ýylyň ilkinji günlerinde türkmen halkynyň Milli Lideri Gahryman Arkadagymyzyň tagallasy bilen döredilen “Galkynyş” milli at üstündäki oýunlar toparyna Monako Knýazlygynyň Monte-Karlo şäherinde geçirilen 48-nji halkara sirk sungaty festiwalynda Bütindünýä sirk federasiýasy we Ýewropa Sirk assosiasiýasy tarapyndan halkara şahadatnamalaryň gowşurylmagy ähli halkymyzyň toý şatlygyny goşalandyrdy.

BAÝRAMÇYLYK JOŞGUNY

8-nji mart–Halkara zenanlar güni mynasybetli hormatly Prezidentimiziň ýurdumyzyň gelin-gyzlaryna pul sowgatlaryny gowşurmagy hakyndaky Kararyna laýyklykda Daşoguz welaýat taryhy we ülkäni öwreniş muzeýinde baýramçylyk dabarasy geçirildi.
Dabarada çykyş edenler baýramçylyk pul sowgatlaryny gowşurmak ýurdumyzyň ähli ýaşdaky gelin-gyzlaryny begendirýän şatlykly wakadygy barada buýsanç bilen bellediler.

BEDEW BADY BILEN ROWAÇLANÝAN IŞLER

Täze zähmet üstünliklerine beslenip ýyllar döwletli diýarymyza mynasyp ady bilen uly joşguna beslenen şygary bilen gelýär. Ine şu ýyl hem ajap mukam kimin ýakymly eşidilýän “Garaşsyz, baky Bitarap Türkmenistan–bedew batly at-myradyň mekany” ýylymyz mukaddes Garaşsyzlygymyzyň şanly 35 ýyllyk toýunyň bellenýän ýylynyň her bir güni hormatly Prezidentimiziň parasatly ýolbaşçylygynda ýurdumyz ähli babatda ösüşleriň belentligine tarap bedew bady bilen ynamly öňe barýar.

Bitarap Diýara hoş geldiň Täze ýyl

Hormatly Prezidentimiz Arkadagly Gahryman Serdarymyzyň ýolbaşçylygynda 2025-nji ýyl “Halkara parahatçylyk we ynanyşmak ýylynda” ýurdumyzda şanly seneler , goşa-goşadan gelýän toýdur-baýramlarymyz uly şatlyk hem şowhun bilen bellenilip geçirilýär. Şeýle baýramlaryň hatarynda päk arzuwlar, ýagşy umyt arzuwlary dabaralandyrýan Täze ýyl baýramy hem özboluşly täsirliligi bilen tapawutlanýar. Diýarymyzda giňden bellenip geçirilýän ulularyň, körpelerimiziň sabyrsyzlyk bilen garaşýan Täze ýyl baýramçylygy hem gelip ýetdi.

YLHAM BERIJI SERGI

Türkmenistanyň hemişelik Bitaraplygynyň 30 ýyllygy mynasybetli muzeýde Türkmenistanyň suratkeşler birleşiginiň Daşoguzly agzalarynyň «Bitaraplyk – baky bagtyň binýady» atly çeperçilik sergi gurnaldy. Sergide ýerli suratkeşleriň milli we watançylyk ruhunda ýerine ýetiren, zergärçilik,heýkeltaraşçylyk,grafika we nakgaşçylyk eserleri görkezildi. Watana bolan söýgüden doly ähli işler türkmen halkynyň özboluşly medeniýetini we taryhyny açyp görkezýär.

BITARAPLYK – BAKY BAGTYŇ BINÝADY

2025-nji ýyl–“Halkara parahatçylyk we ynanyşmak ýyly” mynasybetli Daşoguz welaýatynyň taryhy we ülkäni öwreniş muzeýinde Türkmenistanyň Magtymguly adyndaky Ýaşlar guramasynyň welaýat geňeşiniň, welaýat medeniýet müdirliginiň, Daşoguz welaýatynyň taryhy we ülkäni öwreniş muzeýiniň, Daşoguz şäheriniň çagalar çeperçilik mekdebiniň bilelikde guramagynda geçirilen, “Bitaraplyk–baky bagtyň binýady” atly surat çekmek boýunça sergi bäsleşigi çaga kalplaryndan ýaňlanýan bagtyýarlyk mukamynyň öwüşgini boldy.

Ýurt abadan il bagtyýar

Berkarar döwletiň bagtyýarlyk döwründe hormatly Prezidentimiziň taýsyz-tagallalary esasynda uly ösüşlere, rowaçlyklara beslenýän eziz Watanymyzyň her bir güni parahatçylyga, asudalyga beslenýär. Toýlary toýa ulaşýan ýurdumyzyň her bir güni toý-baýramçylyklara, şatlykly senelere beslenýär.

TÜRKMEN ALABAÝY- MILLI MIRASYMYZ WE BUÝSANJYMYZ

Hormatly Prezidentimiziň taýsyz-tagallalary esasynda uly ösüşlere, rowaçlyklara beslenýän eziz Watanymyzda halkymyzyň milli gymmatlyklary bolan türkmen alabaýynyň gylyk-häsiýetleri halkymyzyň durmuşynda, halk we çeper döredijiliginde, edebiýatda bagtyýar halkymyz tarapyndan täze öwüşgin bilen nusgalyk derejede baýlaşdyrylýar.

TÜRKMENISTAN-EZIZ WATAN GARAŞSYZ

Hormatly Gahryman Arkadagly Serdarymyzyň baştutanlygynda Garaşsyz, hemişelik Bitarap Türkmenistan ýurdumyzyň her bir güni beýik ösüşlere, şanly wakalara beslenýär. Şu günler hem ýurdumyzyň Garaşsyzlyk baýramynyň 34 ýyllygyna uly depgin bilen taýynlyklar görülýär. Bu baýramçylyk mynasybetli Daşoguz welaýatynyň Taryhy we ülkäni öwreniş muzeýi Daşoguz şäherindäki Gurbansoltan eje adyndaky Lukmançylyk orta okuw mekdebinde göçme sergisini gurnady. Sergide taryhy, medeni, etnografik gymmatlyklary we şeýle-de şekillendiriş sungat eserleri gözkezildi.

  •  
  • 1 of 14
  • ›

Privacy policy

© Daşoguz welaýatynyň taryhy we ülkäni öwreniş muzeýi
744300, Türkmenistan, ş.Daşoguz. N.Andalyp şaýolunyň 25-nji jaýy. Tel: +993 322 9 28 44, Fax: +993 322 9 40 32