Daşoguz welaýatynyň taryhy we ülkäni öwreniş muzeýinde    2021-nji “Türkmenistan–parahatçylygyň we ynanyşmagyň Watany” ýylynyň ilkinji günlerinde, ýurdumyzyň baş baýramy–Garaşsyzlygymyzyň şanly   30 ýyllygy mynasybetli zähmet weteranlary, ýazyjy-şahyrlar bilen duşuşyklary, döredijilik we aýdym-sazly agşamlary geçirmeklige işjeň girişildi. Şeýle ýatda galyjy aýdym-sazly duşuşyklaryň biri muzeýde  2021-nji  ýylyň 29-njy  ýanwarynda  “Halypa  hatyrasy”  ady bilen geçirildi.

Binýady berkarar döwletimiziň hoşniýetli goňşuçylyk syýasatynyň, baky Bitaraplyk taglymatynyň sebitde, bütin dünýäde parahatçylygy we durnuklylygy üpjün etmek babatda ähmiýeti örän uludyr. Hormatly Prezidentimiziň ähli ugurlarda öňe sürýän başlangyçlary, türkmen halkynyň milli ýörelgelerine esaslanýan, hoşniýetli gatnaşyklara, parahatçylyga gönükdirilen Bitaraplyk syýasaty babatdaky taryhy tejribesi bütin dünýäde uly goldawa eýe bolýar.

Golaýda “Türkmenistan-Bitaraplygyň mekany” ýylyny dabaralandyrmak  hem-de hemişelik  Bitaraplygymyzyň 25 ýyllyk  şanly  senesi mynasybetli welaýat Taryhy we ülkäni öwreniş muzeýinde Türkmenistanyň Magtymguly adyndaky Ýaşlar guramasynyň welaýat geňeşi  welaýat medeniýet müdirligi bilen bilelikde    “Bitaraplyk-baky  buýsanjym”  atly surat çekmek boýunça we sergi bäsleşigini  geçirdi.

Baky Bitaraplygymyzyň 25 ýyllyk toýy  mynasybetli   Daşoguz welaýatynyň taryhy we ülkäni öwreniş muzeýiniň gurnamagynda welaýatymyzyň halypa bagşy-sazandalarynyň, döredijilik işgärleriniň hem-de Daşoguzyň M. Garlyýew adyndaky ýörite sungat mekdebiniň talyplarynyň gatnaşmagynda edebi aýdym-sazly duşuşyk agşamy geçirildi. Hormatly Prezidentimiz Gurbanguly Berdimuhamedow milli medeniýetimiz, sungatymyz hakda irginsiz aladalar edýär. Hut şonuň netijesinde hem häzirki bagtyýarlyk döwrümizde milli aýdym-saz we bagşyçylyk sungatymyz uly ösüşleri, özgerişleri başdan geçirýär.