Daşoguz welaýatynyň taryhy we ülkäni öwreniş muzeýi we Türkmenistanyň Kärdeşler arkalaşyklarynyň Daşoguz welaýat birleşmesi bilen bilelikde Medeniýet we sungat işgärleriniň hem-de Magtymguly Pyragynyň şygryýet güni we Daşoguz welaýatynyň taryhy we ülkäni öwreniş muzeýiniň täze binasynyň hormatly Prezidentimiziň ak patasy bilen açylyp ulanylmaga berilmeginiň 10 ýyllygy mynasybetli muzeýde “Medeniýet halkyň kalbydyr” atly baýramçylyk dabaraly maslahaty geçirildi.

      Beýik Ýeňşiň 76 ýyllygy mynasybetli Daşoguz welaýatynyň taryhy we ülkäni öwreniş muzeýiniň wagtlaýyn sergiler bölüminde “Watan gerçekleri baky diridir” atly şygar bilen baýramçylyk sergisi guraldy. Sergide, uruş döwrüniň kynçylykly durmuşyny, türkmen esgerleriniň merdanalygyny, tyldaky ýaşaýşyň dürli pursatlaryny şöhlelendirýän muzeý gymmatlyklarynyň birnäçesi sergilendi.

      Milli mirasymyzy bütin dünýä ýaýmak, onuň gadymylygyny, özboluşly aýratynlyklaryny öwrenmek, şeýle hem zehinli ýaşlary halk köpçüligine tanatmak maksady bilen Daşoguz welaýatynyň taryhy we ülkäni öwreniş muzeýinde-de giň gerimli işler alnyp barylýar. Golaýda muzeý işgärleri “Dutar ýasamak senetçiligi we dutarda saz çalmak, bagşyçylyk sungatynyň” ÝUNESKO–nyň adamzadyň maddy däl mirasynyň görnükli nusgalarynyň                    sanawyna hödürlenmegi mynasybetli “Gara gazma dil bitiren”atly aýdym-sazly duşuşygyny gurady.

     Ýurdumyzda hormatly Prezidentimiz tarapyndan mährem eneler,           gelin-gyzlar barada uly alada edilýär. Döwletimizde zenanlaryň bitirýän uly hyzmatlaryna goýulýan sarpa  Gahryman Arkadagymyzyň alyp barýan her bir işinde aýdyň duýulýar. Bahar paslynyň ilkinji günlerinde baharyň özüne çalymdaş zenanlaryň şanyna bellenýän baýram–Halkara zenanlar güni mynasybetli hormatly Prezidentimiziň ýurdumyzyň gelin-gyzlaryna pul sowgatlaryny gowşurmagy hakyndaky Karara gol çekmegi hemmeleriň şatlygyny artdyrdy.